NADZOM TIJAN AD-DARORI VERSI BAHASA SUNDA
MUQODDIMAH
1. Puji opat kasanggakeun
Ka Alloh Robbul ‘Alamin
Rohmat jeung kasalametan
Ka Rosul Alloh panutan
2. Waba’du nu dina angen
Ngadawuh nu fakir pisan
Kana rohmatna pangeran
Nu waspada uningaan
3. Ibrohim Bajuri lemburna
Mesir eta nagarana
Anu ngaku lalaworana
Dina to’at ka alloh na
4. Sasakala anjeun na nyusun
Nyaruhunkeun Ba’dul Ikhwan
Mugi alloh ngaluluskeun
Kana tingkah jeung kalakuan
5. Yen mugi kuring nuliskeun
Kana kitab leutik pisan
Eusina kapangeranan
Uluhiyah dingaranan
6. Dua puluh nu wajibna
Dua puluh nu mohalna
Hiji sifat nu wenangna
Jumlah opat puluh hijina
7. Kitu deui di rosulna
Opat sifat nu wajibna
Opat sifat nu muhal na
Hiji sifat nu wenangna
8. Jumlah na salapan sifat
Dingaranan nabawiyyat
Jumlah lima pulus sifat
Nu disebut Mu’taqidat
SIFAT NU WAJIB DI ALLOH
Wujud Qidam Baqo Mukholafatullil hawaditsi
Qiyamuhu binafsihi wahdaniyat qudrot irodat
Ilmu hayat sama’ bashor kalam qodiron muridan
‘aliman hayyan sami’an bashiron mutakalliman
Aya heubeul langgeng beda jeung kabeh nu anyar
Jumeneng kalawan dzatna hiji alloh dina dzat na
Hiji na sifatna hiji padamelannana
Kawasa kersa uninga hirupna
Ngadangu ningali sasauran bukti kawasa
Bukti alloh kersa nu uninga nu hirupna
Bukti nu ngadangu nu ningali nu ngadawuh
Jadi sadayana anu wajib dua puluh
SIFAT NU MUHAL DI ALLOH
Adam hudus fana mumatsalalil hawadits
Ihtiyaj ta’addud ‘ajzu karohah
Jahlu maot shomma a’ma abkam ‘ajizan karihan
Jahilan mayyitan ashomma a’ma abkama
Euweuh anyar ruksak sarupa reujeung nu anyar
Butuh kana tempat sareng butuh kanu ngayakeun
Bingbilangan dzatna sifatna sareng damelna
Apes kapaksa bodo maot torek lolongna
Pireu bukti alloh anu apes anu kapaksa
Anu bodo maot torek lolong anu pireuna
SIFAT NU WENANG DI ALLOH
Wenang di Allohna midamel barang nu mumkin
Taya anu wajib midamel barang nu mumkin
SIFAT NU WAJIB, MUHAL, WENANG DI ROSUL
Sidiq amanah tabligh fathonah
Kidzib khianat kitman biladah
Bener kapercaya ngadugikeun sareng pinter
Bohong cidra nyumputkeun tur belet
Wenang di rosulna sifat manusia biasa
Kaya tuang leueut angkat kulem sajabina
Maka kuring nyubadanan
Pamentana ba’dul ikhwan
Kana kitab risalahan
Ku alloh wungkul pitulung
Wajib ka sakur mukallaf
Nu poko wajib ma’rifat
Alloh anu kapersifat
Wajib mustahil ja-izat
PEMBAGIAN SIFAT NU WAJIB DI ALLOH
Sifat nu wajib di alloh
Kabagi opat bagian
Nafsiah jeung salabiyah
Ma’ani jeung ma’nawiyah
Sifat Wujud
Wajib aqli hak allohna
Wujud aya alloh hartina
Kecap wujud kabagina
Kana tilu kahijina
Wujud aridi hartina
Ayana teh euweuh heula
Bumi langit ieu contona
Wujud idopi kaduana
Wujud idofi hartina
Aya anu nyarande na
Aya bapak aya anakna
Ari anu katiluna
Wujud hakeki hartina
Aya teu aya kawitna
Aya henteu nyarande na
Nyaeta aya alloh na
Lalawanan sifat wujud na
Al ‘adam euweuh hartina
Ari dalil ceuk aqlina
Ayana ieu makhluk na
Ari dalil ceuk naqlina
Ro’du ayat genep belasna
قل من رب السمــــــــــــــــــوات
والارض قــــل اللـــــــــــــه
Sifat Qidam
Wajib aqli hak allohna
Qidam heubeul alloh hartina
Kecap qidam kabagina
Kana tilu kahijina
Qidam zamani hartina
Heubeul hiji perkarana
Nu kakurung ku zamanna
Langit bumi heubeul zamanna
Ari anu kaduana
Qidam idofi hartina
Heubeul pedah dibandingna
Bapa banding ka anakna
Ari anu katiluna
Qidam hakeki allohna
Heubeulna lain zamanna
Heubeul lain nyarandena
Lalawanan sifat qidam
Nyaeta huduts anyarna
Moal pibuktieunnana
Da mustahil di allohna
Ari dalil ceuk aqli na
Lamun alloh eta anyarna
Butuh kunu nganyarkeunnana
Sedeng eta mustahilna
Ari dalil anu naqlu
Ayat qur’an anu tangtu
Al-hadid na ayat tilu
هــــــــوالاول والاخـــــــــر
Sifat Baqo
Wajib aqli hak allohna
Baqo langgeng eta hartina
Kecap baqo kabagina
Kana tilu kahijina
Baqo zamani hartina
Nu kakurung ku zamanna
Surga reujeung narakana
Ari anu kaduana
Baqo nisbi teh hartina
Langgeng nisbat kanu sejenna
Waja nisbat kana kai na
Ari anu katiluna
Baqo hakeki alloh na
Lain pedah lila zaman na
Lain nisbat kanu sejenna
Langgeng teu aya tungtungna
Lalawanan sifat baqo
Al-fana ruksak hartina
Nu mustahil di allohna
Wajib iman mustahilna
Ari dalil ceuk aqlina
Lamun alloh eta ruksakna
Tangtu alloh teh anyarna
Sedeng eta mustahilna
Dalil naqli Arrohmanna
Ayat dua puluh tujuhna
ويبقى وجه kawit na
Pek ku anjeunna
Sifat Mukholafah Lilhawadis
Wajib aqli mukholafah
Lil hawadisi hak alloh
Beda alloh jeung sakabeh
Nu alanyar henteu salah
Teu aya pikeun allohna
Panangan soca cepilna
Atawa anu sejenna
Tina sifat hawadits na
Lamun aya na qur’an na
Yadullohi ceuk salafna
Angger dina Yad Alloh na
Kawasaan ceuk kholafna
Lalawanan mukholafah
Eta teh al-mumatsalah
Silih sarupa dzat alloh
Eta mustahil di alloh
Ari dalil ceuk aqli na
Lamun alloh sarupana
Jeung nu anyar pasti anyarna
Sedeng eta mustahilna
Ari dalil ceuk naqli na
Surat Asy-syuro kawitna
Sabelas anu kawitna
ليــــــــــس كمثلــــــــــه na
Sifat Alqiyamu Binnafsi
Wajib aqli hak alloh na
Alqiyamu binnafsi na
Jumeneng eta hartina
Kalayanna dina dzatna
Qiyam binnafsi hartina
Teu butuh kana tempatna
Teu butuh nu ngayakeunna
Teu sah naros dimana na
Lawan Qiyam binnafsina
Ihtiyaj butuh tempatna
Jeung kunu ngayakeunnana
Eta anu mustahil na
Ari dalil ceuk Aqli na
Lamun alloh mika butuh na
Kana tempat eta tangtuna
Alloh teh eta sifat na
Tangtu moal kaancikan
Dua puluh persifatan
Sedeng eta kamustahilan
Tetep alloh kasifatan
Lamun alloh mika butuhna
Kanu nyieun tangtu anyarna
Sedeng eta mustahilna
Tetep Qiyam binnafsi na
Ari dalil ceuk naqli na
Ankabut ayat genep na
إِنَّ اللـــــــــهَ لَغَنِــــــــــيٌّ na
Pek ku anjeun tuluykeun na
Sifat Wahdaniyat
Wajib aqli hak allohna
Sifat wahdaniyat hartina
Sahiji tilu hartina
Dzat sifat reujeung af’alna
Dina dzat hiji allohna
Henteu dua atawana
Leuwih loba disebutna
Salbiyah kam munfasilna
Dina dzat hiji alloh na
Lain meunang rangkepkeun na
Tina juz bingbilanganna
Salbiyah kam muttasilna
Na sifat hiji alloh na
Henteu aya salianna
Nu ngabogaan sifatna
Saperti sifat allohna
Ieu harti disebutna
Salbiyah kam munfasilna
Na sifat hiji alloh na
Hiji tina sawarna na
Ieu harti disebutna
Salbiyah kam muttasilna
Na af’al hiji alloh na
Henteu aya salianna
Nu ngabogaan tapakna
Anging tapak damel allohna
Salbiyah kam munfasilna
Jumlah aya lima hartina
Lalawanan wahdaniyat
At-ta’addud henteu lepat
Bingbilangan dzat jeung sifat
Padamelan henteu lepat
Ari dalil ceuk aqli na
Mun bukti gusti allohna
Eta bingbilangannana
Moal dipanggihannana
Hiji perkara makhlukna
Ayeuna aya makhlukna
Tetela teu ta’addudna
Wajib alloh wahdaniyatna
Ari dalil ceuk naqli na
Surat al-ikhlas ayat na
Hiji قل هو الله kawitna
Pek ku anjeun tuluykeun na
Sifat Qudrot
Wajib aqli haq alloh na
Qudrot kawasa hartina
Nu qodim taya kawasana
Qoimatun tumetep na
Sifat qudrot paragina
Ijad ngayaken nana
I’dam ngewehkn nana
Kana barang nu mumkin na
Lalawanan sifat qudrot na
Al ‘ajzu apes teu lepat
Asup kana mu’takodat
Mustahil na hnt lpat
Ari dalil ceuk ‘akal na
Lamun alloh tos apes na
Tangtu moal di panggih na
Ieu pirang2 mahkluk na
Ayeuna aya mahkluk na
Tetela hnte apes na
Atuh kaharti ayana
Sifat qudrot di alloh na
Ari dalil ceuk nakli na
Al bakoroh dina ayat na
Dua puluh innalloh na
‘ala kulli tuluy kn nana
Sifat Irodat
Wajib a’kli haq alloh na
Irodat kersa harti na
Nu kodim taya kawasana
Koimatun tumetep na
Ari sifat irodat na
Paragi nangtukn nana
Kana barang nu mumkin na
Dina aya jeung euweh na
Dina beunghar jeung faqirna
Dina pinter jeung bodo na
Jeung lian anu sejen na
Tina sifat anu anyar na
Lalawanan irodat na
Al karohah kapaksa na
Ari sifat anu mustahil na
Wajib di tekad kn nana
Ari dalil ceuk ‘akli na
Lamun alloh kapaksa na
Tangtu alloh teh apes na
Sedeng eta mustahil na
Ari dalil ceuk nakli na
Aya dina surat hud na
Ayat saratus tujuh na
Pa’alul ;ima yurid na
Sifat Ilmu
1. Wajib ‘aqli haq alloh na
Ilmu uninga hartina
Nu qodim taya kawit na
Koimatun tumetep na
2. Uni’nga gusti alloh na
Kana sakur perkarana
Wajib mumkin al wujud na
Rejeng muhal al wujud na
3. Lalawanan sifat elmu na
Al jahlu bodo hartina
Wajib di tekadkn nana
Tapi dina mustahil na
4. Ari dalil ceuk a’kli na
Lamun alloh teh bodo na
Tangtu moal boga karep na
Sedeng eta mustahil na
5. Ari dalil ceuk nakli na
Dina surat bakoroh na
Dua tilu hiji na
Bikulli sayyin ‘alim na
Sifat Hayat
1. Wajib ‘akli haq alloh na
Al hayat hirup hartina
Nu kodim taya kawit na
Koimatun tumetep na
2. Ari sifat al hayat na
Paragi ngesahkn nana
Kasifatan kunu sejen na
Kaya kudrot irodat na
3. Ciri hayat ka makhluk kn
Hayatul hayawan ngambekan
Hayatul jamadat teasan
Hayatun nabat getahan
4. Ari hayat gusti alloh na
Hirup ku sifat hayat na
Ciri aya tapak kudrot na
Nyata alam semestana
5. Lalawanan al hayat na
Al maotu maot hartina
Sifat anu mustahil na
Waji di tekad kn nana
6. Ari dalil ceuk ‘akal na
Lamun gusti alloh maot na
Tangtu moal kawasana
Rejeung moal kersana
7. Oge moal uningana
Kapan eta mustahil na
Atuh wajib ayana
Sifat hayat di alloh na
8. Ari dalil ceuk naklina
Dina surat bakoroh na
Ayat dua puluh lima na
Hual hayyul koyyum na
Sifat Sama’ Bashor
1. Wajib ‘akli haq alloh na
Sifat sam’a jeng bashor na
‘adangu ningali harti na
Sifat kodim dua nana
Qoimatun dua nana
Nu tumetep di alloh na
Teu aya kawit tungtungna
Qodim qoim salawasna
3. Dangu alloh ku sama’na
Ningal alloh ku bashorna
Paragi mukakuen nana
Tah ta’alluk inkisyafna
Kana barang nu wujudna
Boh nu wajibul wujudna
Tawa nu mumkinul wujudna
Kadangu jeung katingalna
5. Lalawanan sifat sama’na
Asshomam torek hartina
Lalawanan sifat bashorna
Al’umyu lolong hartina
Timimiti sifat sama’ na
Henteu aya dalil ‘aqli na
Sabab jalma geus imanna
Terang dugi sifat hayatna
7. Ari dalil ceuk naqli na
Surat Asy-syuro ayatna
Sabelas وهو kawitna
السميع البصير terasna
Sifat Kalam
Wajib aqli hak alloh na
Sifat kalam ngadawuhna
Nu qodim taya kawitna
Qoimatun tumetep na
Kalam alloh kabagina
Kan dua dal madlul na
Dal anu di loh mahfudz na
Anu aya aksarana
Kalam madlul di alloh na
Taya huruf jeung sora na
Kitu harti sifat kalam na
Anu aya di alloh na
Lalawanan sifat kalamna
Al-bukmu pireu hartina
Sifat anu mustahilna
Wajib di tekadkeun nana
Ari dalil ceuk naqli na
Suroh An-Nisa ayat na
Saratus genep opat na
وكلم الله موسى na
Sifat Kaonuhu Qodiron
Wajib akli hak alloh na
Kaonuhu qodiron na
Bukti alloh kawasa na
Ieu sifat ma’nawiyah na
Ari sifat ma’nawiyah na
Eta sifat rekenan nana
Lain sifat bangsa aya na
Nu aya mah ma’ani na
Lain sifat bangsa euweuh na
Salagi ma’ani aya na
Pasti aya panyebutna
Sifat ma’nawiyah ngaranna
Lain sifat nu misah na
Tina sifat ma’ani na
Tapi sifat nguatan nana
Kana sifat ma’ani na
Ari lalawanan sifatna
Kaonuhu qodiron na
Kaonuhu ‘ajizan na
Bukti alloh nu apesna
Dalil aqli jeung naqli na
Sami jeung dalil qudrotna
Teu aya pisan beda na
Dina penjelasan nana
Sifat Kaounuhu Muridan
Wajib aqli hak alloh na
Kaounuhu muridan na
Bukti alloh ngersakeun na
ari sifat ma’nawiyah na
Sifat baqo rekenan nana
Lain sifat nu misah na
Tapi sifat nguatan nana
Kana sifat irodatna
Ari lalawanan sifat na
Kaonuhu muridan na
Kaonuhu karihan na
Bukti alloh kapaksana
Dalil aqli jeung naqli na
Sami dalil irodatna
Taya pisan nu beda na
Dina penjelasan nana
Sifat Kaounuhu Aliman
Wajib aqli hak alloh na
Kaounuhu ‘Aliman na
Bukti alloh uninga na
Kaasup ma’nawiyahna
Sifat bangsa rekenan nana
Lain sifat nu misahna
Tapi sifat nguatan nana
Kana sifat ilmu na
Ari lalawanan sifat na
Kaonuhu ‘Aliman na
Kaonuhu jahilan na
Bukti alloh nu bodo na
Dalil aqli jeung naqli na
Sami dalil sifat ilmu na
Taya pisan nu beda na
Oge penjelasan nana
Sifat Kaonuhu Hayyan
Wajib aqli hak alloh na
Sifat kaonuhu hayyan na
Bukti alloh nu hirup na
Kaasup ma’nawiyah na
Sifat bangsa rekenan nana
Lain sifat nu misah na
Tapi sifat nguatan nana
Kana sifat hayat na
Ari lalawanan sifat na
Sifat kaonuhu hayyan na
Kaonuhu mayyitan na
Bukti alloh nu maot na
Ari dalil ceuk naqli na
Sami dalil sifat hayat na
Taya pisan nu beda na
Oge penjelasan nana
Sifat Kaonuhu Sami’an Bashiron
Wajib aqli hak alloh na
Sami’an jeung bashiron na
Bukti alloh ngadangu na
Bukti alloh ningali na
Sifat bangsa rekenan nana
Lain sifat nu misah na
Tapi sifat nguatan nana
Kana sama’ jeung bashor na
Lalawanan sami’an na
Kaonuhu ashomma na
Lalawanan bashiron na
Eta Kaonuhu a’ma na
Ari dalil ceuk naqli na
Sami jeung sama bashor na
Taya pisan nu beda na
Oge penjelasan nana
Sifat Kaonuhu Mutakalliman
Wajib aqli hak alloh na
Sifat mutakalliman na
Bukti alloh ngadawuh na
Ieu sifat ma’nawiyah na
Sifat bangsa rekenan nana
Lain sifat nu misah na
Tapi sifat nguatan nana
Kana sifat kalam na
Ari lalawanan sifat na
Sifat mutakalliman na
Kaonuhu abkama na
Bukti alloh nu pireu na
Ari dalil ceuk naqli na
Sami jeung sifat kalam na
Taya pisan nu beda na
Oge penjelasan nana
Sifat Jaiz
Jaiz aqli hak alloh na
Eta ngadamel mumkin na
Atawa dina tinggal na
Henteu ngademl mumkin na
Ari ngaran nu mumkinna
Kongang aya jeung euweuh na
Conto na ieu makhluk na
Sok di sebut ku alam na
Ari dalil ceuk aqli na
Lamun wajib ka alloh na
Damel hiji perkara na
Atawa dina tinggal na
Tangtu tibalik jaiz na
Jadi wajib mustahil na
Sedeng kitu teh muhal na
Maka tetep sifat jaiz na
Ari dalil ceuk naqli na
Surat ibrohim ayat na
Salapan belas kawit na
إن يّــــــشأ يـــذهبــــــكم na
Sifat Shidiq
Wajib aqli hak rosul na
Rohmat salam muga tetepna
Ka para rosul kabeh na
Sifat shidiq bener hartina
Sakur nu dawuhkeun na
Pasti akur jeung buktina
Pinter jeung meneran nana
Muhal aya nyalahan na
Lalawanan sifat shidiq na
Al-kidzbu bohong hartina
Ari dalil ceuk aqli na
Lamun para rosul bohong na
Tangtu dawuhan alloh na
Eta oge pada bohong na
Sedeng eta mustahil na
Maka wajib sifat shidiq na
Sifat Amanah
Wajib aqli hak rosulna
Rohmat salam muga tetep na
Ka para rosul kabehna
Amanah kapercayana
Pamolah reujeung dawuhna
Henteu aya sulayana
Kana parentah allohna
Jadi picontoeun nana
Lalawanan amanah na
Khianat cidra hartina
Ari dalil ceuk aqli na
Lamun cidra para rosulna
Nyata migawe haramna
Atawa anu makruh na
Tangtu urang diparentahna
Kana haram tawa makruh na
Sedeng urang henteu sah na
Diparentah haram makruh na
Maka wajib di rosulna
Al-amanah tumetepna
Sifat Tabligh
Wajib aqli hak rosulna
Rohmat salam muga tetepna
Ka para rosul kabehna
Sifat tabligh nepikeun nana
Ari harti sifat tabligh na
Eta nepikeun hukumna
Nu wajib di tepikeun nana
Ka sakabeh makhluk na
Lalawanan sifat tabligh na
Al-Kitman nyumputkeun nana
Wajib di tekadkeun nana
Kana sifat mustahilna
Ari dalil ceuk aqli na
Lamun rosul nyumputkeun na
Perkara anu wajibna
Di tepikeun ka makhlukna
Tangtu urang diparentahna
Kudu nyumputkeun ilmu na
Sedeng teu sah diparentahna
Nyumput ilmu di la’nat na
Sifat Fatonah
Wajib aqli hak rosulna
Rohmat salam muga tetepna
Ka para rosul kabehna
Sifat fathonah hartina
Celakan pinter bisa na
Kaduga nangtukeun nana
Hujjah bener sehingga na
Ngelehkeun ka musuh na
Lalawanan fathonah na
Biladah belet hartina
Wajib di tekadkeun nana
Kana sifat mustahilna
Ari dalil ceuk aqli na
Mun rosul teu fatonah na
Tangtu moal kaduga na
Nangtungkeun hujjah bener na
Sedeng eta mustahilna
Al-qur’an nuduhkeun nana
Surat Hud tilu dua na
تـــــــلك حـــــــــجّتـــــنا kawitna
Sifat Jaiz
Jaiz aqli hak rosulna
Rohmat salam muga tetepna
Ka para rosul kabeh na
Sifat A’rodl Basyariah na
Sifat kamanusaan nana
Nu teu matak ngurangan na
Kana martabat rosul na
Kaya tuang jeung leueut na
Ari dalil ceuk aqli na
Kasaksi para rosulna
Sifat A’rodl Basyariah na
Di para rosul kabeh na
Khotimah
Wajib ka jalma islamna
Uninga rundayan nana
Jeung nabi utusan alloh
Muhammad putra abdulloh
Abdulloh putra muthollib
Muthollib putrana hasyim
Hasyim putra abdi manaf
Abdi manaf putra qusoy
Qusoy putrana kilab
Kilab putrana murroh
Murroh putrana ka’ab
Ka’ab putrana lu’ay
Lu’ay putrana gholib
Gholib putrana fihir
Fihir putrana malik
Malik putrana nadzor
Nadzor putra kinanah
Kinanah putra khuzaemah
Khuzaemah putra mudrikah
Mudrikah putrana ilyas
Ilyas putrana mudlor
Mudlor putrana nizar
Nizar putrana ma’ad
Ma’ad putrana ‘adnan
Nu wajib dugika adnan
Haram nguningakeun nana
Ti adnan dugika adam
Sabab taya jalan soheh
Wajib deui uninga na
Rundayan na ti ibu na
Jeung nabi utusan alloh
Muhammad putra aminah
Aminah putrana wahhab
Wahab putra abdi manaf
Abdi manaf putra zuhroh
Zuhroh putrana kilab
Tepang deui jeung rama na
Ti kilab jangkawareng na
Jadi ibu jeung rama na
Masih keneh sarundayan
Haodl Syafaat
Kaasup wajib syar’i na
Ka sakur nu mukallaf na
Yen kanjeng nabi gaduhna
Haod talaga hartina
Kaasup wajib syar’i na
Saestuna kanjeng nabi
Bakal nyafa’atan nana
Mutuskeun hukuman nana
Dina poean mahsyar na
Syafa’at udzma ngaranna
Syafaat anu tangtu na
Ka kanjeng nabi Muhammadna
Para Rosul
Kaasup wajib syar’i na
Nganyahokeun para rosul na
Anu aya na Qur’an na
Kalayan wincikan nana
Ari rosul salian na
Nu teu aya na Qur’an na
Wajib ma’rifatkeun nana
Kana jumlahan kabehna
Ari jumlah para rosulna
Tilu ratus opat belasna
Jumlah nabi saratusna
Dua puluh opat rebu na
Geus nganadzom ba’dluhumna
Ka nabi anu wajib na
Ma’rifat wincikan nana
Aya dua puluh lima na
حتم على كل ذى التكليف معرفة
*
بأنبيَاء على التفصيل قد علمـوا
Wincikan jenengan nabi dina qur’an masing timu
*
Eta misti ka sakur mukallaf nganyahokeun
فى تـــــــــلك حجتنا منهم ثمانية
*
من بعد عشر ويبقى سبعة وهم
Tujuh nyesa nu teu kumpul jenengan na tong tumamu
*
Ayat tilka hujjatuna dalapan belas kumpul na
إبراهيم هود شعيب صالح وكذا
*
ذواالكفل آدم بالمختار قد ختموا
Nabi Muhammad panungtung para nabi sing timu
*
Idris Hud Syu’eb Solih Dzulkifli Nabi Adam
NADZOM SYAHADATAEN
Syahadat Dua Bagian
Kahiji Syahadat Syar'an
Ka Dua Syahadat Munjin
Kade Kudu Teulik Pisan
Ta'rifna Syahadat Syar'an
Kadar2 Nu Ngucapkeun
Kalimat Syahadataen
Hente Milik Patekadan
Ma’fat Syahadat Syar'an
Bisa disebut Mu'minin
Mungguh Hukum Kadunyaan
Kaya Halal Peupeuncitan
Halal Di Tikahkeunana
Ka Jalma Anu Islamna
Jeung Halal Nampa Waritsna
Ti Jalma Anu Islamna
Ari Mungguhing Allohna
Jeung Mungguhing Akheratna
Kudu Terus Jeung Munjina
Eungke Peujeulasan Nana
6. Kanjeung Nabi Tos Nyaurkeun
Anjeun Kudu Ngahukuman
Ku Dzohirna Caritaan
Jeung Dhohirna Kalakuan
Jeung Teu Kudu Ngahukuman
Nu Dina Hate Di Simpeun
Da Taya Nu Uningaeun
Salianti Dzat Pangeran
Lamun Dzohir Kalakuan
Atawa Dzohir Ucapan
Aya Anu Ngabatalkeun
Nu Di Sebut Pamurtadan
Batal Syahadat Syar'ana
Sanajan Ngucapkeunana
Kana Keucap Syahadatna
Laku Ucap Nu Murtadna
Kaya Asup Ka Gareja
Di Bareungan Ku Ngahaja
Atawa Nyembah Berhala
Kaya Patung Nu Baheula
Ta'rifna Syahadat Munjin
Eta Jalma Nu Ngucapkeun
Kalimah Syahadataen
Di Bareungan Pateqadan
Teqad Anu Ma'rifatna
Jeung Teqad Anu Tasdeqna
Neuteupan Kana Syaratna
Ma'rifat Reujeung Tasdeqna
Ari Syarat Ka Duana
Teu Keuna Owah Gingsirna
Moal Barobah Teqadna
Hingga Dugi Ka Maotna
Lamun Nekadkeun Ayeuna
Sabot Usum Jeung Baturna
Jaga Mah Kumaha Eungkeuna
Mumkin Tekad Rek Robahna
Kafirna Teh Ti ayeuna
Da Arek Owah Gingsirna
Heunteu Jadi Ma'rifatna
Mungguhing Gusti Allohna
Syarat anu Ka Tiluna
Anu Di Tekadkeunana
Kudu Akur Jeung Buktina
Heunteu Nyalahan Sifatna
Sifat Cek ahli Sunahna
Nu Aya Qur'an Haditsna
Teu salah Meutakeunana
Akur Reujeung Aqoidna
18. Margi Kitu Di Wajibkeun
Nu Hayang Syahadat Munjin
Nyaho Kana Aqoidna
Bisi Jeung Bukti Nyalahan
19. Lamun Jazim Jeung Tekadna
Yen Alloh Pangeranana
Yen Muhammad Teh Rosulna
Ngan Teu Akur Jeung Buktina
20. Alloh Nunyurupna Badan
Bumi Langit Panyurupan
Di dinya Alloh Nyicingan
Atawana Di Hijikeun
21. Eta Tekad Nyulayaan
Reujeung Buktina Pangeran
Da Alloh Heunteu Butuheun
Kana Tempat Panyicingan
22. Nu Kitu Salah Tekadna
Heunteu Akur Jeung Buktina
Heunteu Sah Iman islamna
Mungguhing Gusti allohna
23. Syarat Anu Ka Opatna
Kudu teurang Kana Dalilna
Anu Teu Teurang Dalilna
Eta Teu sah Ma'rifatna
24. Ieu Cek Ibnu A'roby
Jeung Pendapat Syekh Sanusi
Anapon Cek Syekh dasuki
Taya Dalil Ma'rifat Jadi
25. Dalil Kadar Kawajiban
Lain Syarat Kama'rifatan
Pikeun Jalma Nu Kadugaeun
Kana Dalilna Mikirkeun
26. Kadua Syahadat Munjin
Kudu Tasdeq nu Ngucapkeun
Tasdeq Aya Dua Rukun
Ka Hiji Kudu Idzi'an
27. Idzi'an Eta Ngakukeun
Ka Alloh Kuring Mangeran
Ku Muhammad Di Nabian
Muhammad teh Rosul Kuring
28. Rukun Tasdeq Kaduana
Nyaeta Kudu Qobulna
Narima Ajaran nana
Ti Alloh Reujeung Rosulna
29. Mun can Bisa Ngalakonan
Tapi hate Mah nampanan
Rumaos Ka Leuleupatan
Eta Qobul Sahna Iman
